Бүгүн сенин туулган күнүң

Бүгүн сенин туулган күнүң кыш айы,

Жаап жатат сен жактырган кар дагы.

Жалгыз өзүм басып жүрөм ойлонуп,

Ошол сезим жалган беле андагы…

———————————————–

Бүгүн сенин туулган күнүң он экиси,

Мүмкүн эмес махабаттын эскириши.

Кайрадан жан дүйнөмдү сезим каптап,

Ойлорумда тост айтамын сага арнап.

———————————————–

Бүгүн сенин туулган күнүң январь,

Жээкте отурам, айланамда аппапак кар.

Акыл ойдун алы жеткис жүрөгүмдө,

Сага арнаган “сүйүү” деген белегим бар.

————————————————-

Эрте ойгондум эмнеге күндөгүдөн?

Негедир бүгүнкү күн бир башкача.

Салам айтам ар бир кардын бүртүгүнөн,

Шамал менен учүп барчу сен тарапка.

————————————————-

Мен ойлосом сен дагы ойлоп балким,

Тургандырсың терезеде кышты карап,

Узатып көз менен жааган карды.

Сен дагы жүрөсүңбү мени самап?

————————————————

Мейли эми мени таштап алыс кетсең,

Жашайт сүйүү жүрөктө сага деген.

Ар жылы январдын он экисин.

Мына ушул бүгүнкүдөй сени эстейм…

toktosun

About toktosun

Токтосун Шамбетов 1989-жылдын 26-февралында Нарын облусунун Ат-Башы районунда туулган. Теги-кыргыз. 2012-жылы Нарын мамлекеттик мамлекеттик университетинин Техникалык факультетинин Инженер адистигин аяктаган. Эмгек жолун 2007-жылы Нарын шаарындагы Алмаз-Нарын радиосунда алып баруучу болуп баштаган. 2009-жылы ошол эле радиодо программалык редактор болгон. Ошол эле учурда облустук www.naryn.kg маалымат сайтында 2012-жылга чейин кабарчы болуп эмгектенген. 2012-жылдын март айынан баштап «Азаттык» үналгысынын Нарын облусундагы кабарчысы болуп эмгектенүүдө. Нарын облусунун жергиликтүү бийликтеринин Ардак грамоталарын алган. Журналисттер арасында өткөрүлгөн сынактардын жеңүүчүсү. Макалаларды кыргыз тилинде жазат.
This entry was posted in Ырлар and tagged , , . Bookmark the permalink.

Leave a Reply

Your email address will not be published. Required fields are marked *